Text zum Steinrieglermarsch (Stoanrieglermarsch)Text von Josef Hornig, Musik von Franz Por. |
Zu den Noten - zur Griffschrift
Home
1. In Grinzing und Sievring, da is's gar net schlecht,
da kriagt ma a Weinderl, das is guat und echt.
A Winsel, a Klapmpfen, an Blasbalg dazua,
ja das is für uns Weaner Konzert schon mehr als gnua.
Und fangen d' Musikanten an,
da paschen d' Leut voll Freuden schon,
und ham mir ah a Gfrett mit'n Geld,
mir singen, dass all's hellt, Juch-he, hallo!
Du himmlischer Vater, mit uns, da steht's gefehlt,
mit uns, da steht's gefehlt auf der liaben Welt.
Schick jedem an Fufz'ger, mir habm ka klans Geld,
mir habm ka klans Geld, Juch-he, hallo!
Und wenn ma Geld gnua habm, da drah ma auf mitsamm,
da lass ma aufmarschiern, dass sich der Tisch muass biagn,
Juchhe, dann wirds a Lebn, da muaß's an Rausch dann gebn,
da fangt der Steffel dann zum wackeln an. Hallo!
Du himmlischer Vater, ...
2. Spielts auf, Musikanten und reißts kane Pflanz,
mir brauchen kan Wagner, spielts weanrische Tanz!
D' Schönbrunner von Lanner, die Donau von Strauß,
ja, das is für uns Weana gar a göttlicher Schmaus.
Bei so an Walzer fangt sodann
das Bluat zum umawurln an
und alles schreit dir kreuz und quer,
mir ham nur an Begehr, Juch-he, hallo!
Du himmlischer Vater, mit uns, da steht's gefehlt,
mit uns, da steht's gefehlt auf der liaben Welt.
Schick jedem an Fufz'ger, mir habm ka klans Geld,
mir habm ka klans Geld, Juch-he, hallo!
Vom Strauß an Walzer hörn, vergess ma d'Sorgn gern,
sogar der klanste Bua, der pfeift im Takt dazua.
Die Blattln auf die Bam, die säuseln still und gham,
sogar der Gasbock springt, wia d Musi klingt. Hallo!
Du himmlischer Vater, ...
3. So san ma, so bleib ma, recht gmüatliche Leut,
vertreibn uns mitn Paschen und Dudeln die Zeit,
und habm ma ka Bratl, da liegt uns nix dran,
ja, so ess ma uns dann halt mit Bramburi an.
Und habm ma mit der Hochquelln s' Gfrett,
na das geniert uns ah no net,
da schrein ma halt beim Pilsner Bier
dann mit n großn Stier, Juch-he, hallo!
Du himmlischer Vater, mit uns, da steht's gefehlt,
mit uns, da steht's gefehlt auf der liaben Welt.
Schick jedem an Fufz'ger, mir habm ka klans Geld,
mir habm ka klans Geld, Juch-he, hallo!
Is ah der Rock defekt, so lang uns's Trinkn schmeckt,
bleibn mir zu jeder Zeit kerngsunde Weanaleut.
Fliagn mir in'n Himmerl nauf, drahn mir erst recht dann auf,
schrein: Himmel-Element, mir san patent. Hallo!
Du himmlischer Vater, ...
